NEUTRALTASUNA ETA OBJETIBOTASUNA

Kaixo!!


Bada garaia blog honi bizitasun pixka bat ematen joateko. Horretarako, Loreak proposatu zizkigun pare bat galderei erantzuna emanez hausnarketa txiki bat egingo dut.


Honako hau izan zen lehenengo galdera: Hezkuntzan eta irakaskuntzan neutralak izan gaitezke?
Nire ustez oso garrantzitsua da ikasgelan zenbait gaien inguruan irakaslea neutraltasunez agertzea, batez ere, ikasleren bat edo beste erasotua sentitu ez dadin, ikaslea ez da minduta sentitu behar.


Hala ere, irakasleak pertsonak direnez, gai guztien inguruan iritzi propio bat izango dute, eta egoera askoren aurrean ezin izango diote beraien sentimenduei eutsi. Honen inguruan, esan beharra daukat, kasu batzuetan irakasleak bere iritzia ematea ez zaidala gaizki iruditzen, hori bai, beti zaindu behar du bere iritzia adierazteko edo emateko modua, inor mindu gabe eta beste iritzi guztiak errespetatuz.


Proposatutako bigarren galderari emango diot erantzuna orain: zein da neutraltasuna eta objetibotasunaren arteko ezberdintasuna?
Bi termino hauek definitzen saiatuko naiz:
Neutraltasuna, gai baten inguruan ez posizionatzea izango litzateke, hau da, gai baten inguruan aldeko zein kontrako jarrerarik ez izatea.
Objetibotasuna, berriz, zure iritzi pertsonala ez azaleratzea izango litzateke. Horrela, esan genezake, irakasleak objetibotasunez jarduten duenean gaiaren inguruko informazio soila eta datuak ematen dituela, nahiz eta irakaslek bere iritzi propio bat izan.


Hauxe zen dena! bukatu dut gaurkoz....

HEZKUNTZA-KULTURA-GIZARTERATZEA

Kaixo lagunok!!

Klasean denbora luzean hezkuntza, kultura eta gizarteratzearen inguruan eztabaidan jardun ginen. Horren aurretik, taldetan bildu eta hiru kontzeptu horiek zein ordenatan ematen diren erabaki behar genuen. Talde txikitan erabakitakoa talde handian adierazterakoan iritzi ezberdinak genituela konturatu ginen.

Gure taldetxoan, lehenengo kultura ematen zela adostu genuen, ondoren hezkuntza eta azkenik gizarteratzea. Honela arrazoitu genuen guk adostutakoa: jaiotzen garen lehenengo momentutik kultura batean murgiltzen gara. Horren araberakoa izaten da gizabanakoak jasotzen duen hezkuntza, eta azkenik, gizarteratzea deituriko azken emaitz bat izaten dugu eta gizarteko partaide izatera heltzen gara.

Honela definitu ditut, nik, hiru kontzeptu horiek:

HEZKUNTZA:  Gizakia, bere ahalmenak garatuz, gizartean bizitzeko prestatzea esan nahi du, eta bere bizitza osoan zehar gertatzen den prozesu bat dela esan dezakegu. Zenbait eremu ezberdinetan ematen da: lagunartean, familian, eskolan, komunikabideetan, kalean, aisialdian eta abar. Baloreak, ezagutzak, ohiturak etab… barneratzearen prozesuari esaten zaio. Esan beharra dago hezkuntza oso garrantzitsua dela gure lehen urteetan, adin honetan jasotakoak etorkizunean eragin handia izaten duelako.

KULTURA: gizarte bateko ohitura, sinesmen, bizimodu, jarrera etab… barnebiltzen duena da. Kultura mota ezberdin asko aurki ditzazkegu mundu guztian zehar. Belaunaldiz belaunaldi hezkuntzaren bitartartez transmititzen da kultura.

GIZARTERATZEA: gizakia gizarteko partaide izatera heltzen denean ematen da, eta horretarako aurretik aipatutako hezkuntza eta kultura beharrezkoak dira.

HEZKUNTZA FORMALA, EZ-FORMALA ETA INFORMALA

Blogari sarrera moduko bat emateko, Loreak proposatu zizkigun galderei erantzuna ematen saiatuko naiz: Zein hezkuntza eremutan arituko naiz etorkizunean?

Hasteko, ezagutzen ditugun hiru hezkuntza eremuak definitzen saiatuko naiz hitz gutxitan, hau da, hezkuntza ez-formala, formala eta informala. Hezkuntza formala, eskola batean ematen den hezkuntza mota da, juridikoa dena. Honen helburu nagusia titulazio bat eskuratzea da. Hezkuntza ez-formala, berriz, formala baino malguagoa, praktikoagoa eta dinamikoagoa da, eta marko instituzionaletik at ematen da. Klase partikularrak edo dantza ikastaroak, esaterako, hezkuntza ez-formalaren adibide dira. Azkenik, hezkuntza informala egunero-egunero lagunartean edo familia jasotzen dugun hezkuntza mota da, ustekabean ematen dena.

Etorkizun batean, neure burua eskola batean irakasle lanetan ikusten dudanez, hezkunza formalean arituko naizela pentsatzen dut. Hala ere,  hiru hezkuntza eremutan aritzea beharrezkoa dela iruditzen zait gaur egungo gizartean, bata bestearen lagungarri eta osagarri bezala erabili daitezkeelako. Hezkuntza formala, hau da, eskola batean ematen den hezkuntza mota, hezkuntza ez-formalaren bitartez aurrera eramatea oso garrantzitsua izaten da askotan, partikularren bidez esaterako. Nola ez, hezkuntza informala etengabe eta ustekabeak jasotzen ari gara egunero egunero lagunartean eta familian.